Reperi Wretch 32 publikon videon tronditëse se si policia ràciste ushtron dhùnë ndaj babait të tij

Ylli i muzikës hip-hop, Wretch 32, ka publikuar pamjet tronditëse të policisë që ushtronin dhunë ndaj babait të tij, në shtëpinë e familjes së tij, duke bërë që ai të binte poshtë nga shkallët. Videoja e cila u publikua nga vet reperi mbrëmjen e së martës, tregon njerëzit në sfond duke bërtitur ndërsa babai i tij, Millard Scott, shfaqet i shtrirë në dysheme. Ngjarja ka ndodhur më 21 prill të këtij viti. Skenat shqetësuese që u xhiruan nga kamerat e policisë, shfaqin gjithashtu momentin kur oficerët shtyjnë një grua për të hyrë në një shtëpi në Tottenham, në Londrën Veriore, shkruan DailyMail. Ndërsa hyjnë brenda, një grua thotë: “Mos më prekni, nuk po rezistoj, ruani distancën sociale, ju lutem mos më prekni”. Një burrë, i cili reperi Wretch 32 ka thënë se është babai i tij, rrëzohet nga shkallët dhe përplaset në dysheme. Një grua tjetër bërtet “Oh zot, oh zot”, ndërsa ai bie. Pastaj oficerët kontrollojnë babanë e reperit duke e pyetur ‘a jeni mirë’, pasi ai shtrihet i goditur në dysheme. Videoja pastaj përfundon. Reperi, emri i vërtetë i të cilit është Jermaine Scott Sinclair, me prejardhje nga Tottenham, Londra Veriore, postoi videon në llogaritë e tij në rrjetet sociale këtë mbrëmje. Ai tha: “Kjo është mënyra se si policia mendon se mund të trajtojë një njeri me ngjyrë, 62 vjeçar në Tottenham, kjo ndodhi me babanë tim”. Reperi, i cili ka grumbulluar më shumë se një milion shitje në platformat muzikore, thotë se ai do të shfaqet me babanë e tij në ITV News për të rrëfyer ngjarjen.