TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ditën e sotme, moderatorja e njohur Fjoralba Ponari ka qenë e ftuar në emisionin e mëngjesit “Wake up”, ku ka folur edhe për tema të ndryshme rreth jetës së saj.
Sa i përket ngacmimeve nga meshkujt, por jo vetëm, moderatorja ka treguar një nga eksperiencat më të frikshme që ka përjetuar deri më tani, dhe bëhej fjalë për një sulm me thikë në shkollën e lartë.
Teksa ka ndarë në emision një eksperiencë të tillë Fjoralba shihet që ka shpërthyer në lot. Kjo ngjarje ka ndodhur kur ajo ishte studente, e sigurisht që për të ka qenë një rast mjaft i vështirë për t’u përballuar.
“Kam qenë në vit të parë të shkollës së lartë kur jam sulmuar fizikisht. Kam qenë nën kërcënimin e një thike.
Agresori im ishte në gjendje të dehur dhe në ato kushte nuk e di sesi mund të kishte përfunduar.
Fatmirësisht aty u ndodhën dy zotërinj që më ndihmuan. Agresori im ishte me kapele dhe nuk e denoncoja dot, pasi zëre se po denoncoja një fantazmë. Në atë kohë kam kaluar ankthe shumë të mëdha.”– ka thënë moderatorja.
Nga rrëfimi i saj duket që Fjoralbës kjo situatë e tillë i ka shkaktuar dëme psikologjike të mëdha, të cilat e çuan moderatoren të ndiqej me seanca private nga psikologu.
Ndër të tjera ajo shpjegon se gjatë kësaj kohe të vështirë ka qenë familja e saj që e kanë ndihmuar, për faktin se ata janë mjekë në profesion.
