TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Duket se ideja e korrigjimit të kufijve mes Kosovës dhe Serbisë po avancon dhe kjo gjë ka bërë që shumë njerëz të aludojnë mbi kufijtë e ri dhe lëvizjet e komunave mes dy vendeve.
Liderët e Kosovës dhe Serbisë i kanë dhënë zë qëllimit të tyre për të ndërruar kufijtë mes dy vendeve të shtunën, shkruan Euronews.
Profesori nga Luxembourg Florian Bieber, në studimet e Evropës Juglindore në Universitetin e Grazit, në Austri shpjegoi për gazetën se çka nënkupton ky ndryshim kufijsh.
Sipas tij nuk ka pasur asnjëherë një plan formal që tregon se ideja e ndërrimit të kufijve është hequr nga shqyrtimi, thotë Bieber. Janë katër komuna me shumicë serbe në Kosovë, Leposaviqi, Zveqani, Zubin Potoku dhe Mitrovica e Veriut që do të shkëmbeheshin me Bujanovcin dhe Preshevën – sipas tij.
Ai shton se pavarësisht që në kohën e luftës ishin armiq, Thaçi e Vuçiç tanimë janë bashkuar për ta promovuar idenë dhe për të kërkuar mbështetjen e Bashkimit Evropian.
“Mendoj se të dy janë shumë të motivuar nga mbijetesa politike e personale dhe nga pushteti,” tha Bieber.
“Dhe nuk mendoj se janë të shqetësuar nga implikimet më të gjera politike që kjo mund të shkaktojë.” – shtoi ai më tej.
Ai thekson që një ide e tillë nuk është e mbështetur aq shumë në Kosovë, përcjell Periskopi nga Euronews.
Profesori në fjalë përmend rreziqet e mëdha që mund ta bëjnë BE-në që të mos i mbështes dy liderët e përbashkuar rreth një qëllimi.
