TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti Ilir Meta dekreton lirimin e Gent Gazheli si ambasador i Shqipërisë në Turqi.
Gent Gazheli nuk do të jetë më ambasadori i Shqipërisë në Turqi pasi ai dorëheqjen nga kjo detyrë pa publikimit të historisë së Alvin Berishës, i cili ndodhej në një kamp në Siri. Në këtë detyrë Meta ka dekretuar emërimin e Kastriot Robos.
Gazheli mori detyrën më 9 shkurt të vitit 2016, nga presidenti Bujar Nishani dhe dha dorëheqjen për arsye personale, disa ditë para se të bëhej publik rasti i Alvinit.
Po kush është Gent Gazheli?
Gazheli është ish-kryefinancieri i PS që dikur mbante peshën e madhe të financave të partisë. Berisha e cilësonte si “lavatriçja e parave të pista” kur Gazheli mbante postin e drejtorit të Agjencisë së Luftës Kundër Pastrimit të Parave.
Emri i tij madje ra edhe në sytë e mediave të huaja të cilat i dedikuan një shkrim kur befas, në shkurt të 2016-ës, u emërua ambasador në Turqi.
Dekreti i presidentit:
PËR LIRIM AMBASADORI NGA DETYRA
Në mbështetje të nenit 92, shkronja “dh”, nenit 93 të Kushtetutës, si dhe të nenit 26, të ligjit nr. 23/2015 “Për shërbimin e jashtëm të Republikës së Shqipërisë”, me propozim të Kryeministrit,
D e k r e t o j:
Neni 1
Zoti Genti Gazheli, ambasador i Jashtëzakonshëm dhe Fuqiplotë i Republikës së Shqipërisë në Republikën e Turqisë, rezident, si dhe ambasador i Jashtëzakonshëm dhe Fuqiplotë i Republikës së Shqipërisë në Republikën e Azerbajxhanit, në Republikën e Kirgistanit, në Republikën Islamike të Pakistanit dhe në Republikën e Gjeorgjisë, jorezident, lirohet nga kjo detyrë.
Neni 2
Ky dekret hyn në fuqi menjëherë.
Nr. Dekretit 11356
Tiranë, më 19.11.2019
PRESIDENTI I REPUBLIKËS
ILIR META
