TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti amerikan Donald Trump ka paralajmëruar vendosjen e tarifave të reja ndaj automjeteve kanadeze duke nisur nga 1 janari, duke përshkallëzuar më tej përplasjen tregtare mes Shteteve të Bashkuara dhe Kanadasë.
Kryeministri kanadez Mark Carney deklaroi se kërcënimi i fundit nga Trump nuk ishte i papritur. Sipas tij, rritja e tarifave në sektorin e automobilave do të kishte pasoja edhe për punëtorët amerikanë.
Qeveria kanadeze ndërkohë po përgatit kundërpërgjigjen ndaj tarifave të reja që SHBA vendosi këtë fundjavë mbi mallrat nga Kanadaja. Masat amerikane erdhën pas dështimit të negociatave tregtare mes dy vendeve.
Carney ka konfirmuar se Kanadaja do t'u përgjigjet masave amerikane në të njëjtën masë, “dollar për dollar”, duke nisur nga 8 shtatori. Tarifat kanadeze do të përfshijnë produkte si çeliku, bulmeti, pajisjet elektroshtëpiake dhe elektronika.
Para prishjes së negociatave, të dyja palët kishin shprehur optimizëm për arritjen e një marrëveshjeje. Megjithatë, bisedimet përfunduan pa rezultat, ndërsa Uashingtoni dhe Otava akuzuan njëri-tjetrin për ndryshime të kërkesave në momentet e fundit.
Kryenegociatori amerikan për tregtinë, Jamieson Greer, deklaroi se pala kanadeze kishte kërkuar më shumë në marrëveshjen që po negociohej.
