TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetarja e LSI-së, Monika Kryemadhi, thotë se përmbytjet janë përgjegjësi e kryeministrit. Ky reagim vjen pas konferencës nga Edi Rama, ku foli për përmbytjet por që situatën e cilësoi pozitive, si pasojë e punës së qeverisë.
Teksa akuzon Ramën se i shërben veç oligarkëve, kryetarja e LSI-së, nënvizon se kryeministri është kthyer sot në një krizë për vendin.
"Rilindja i shërben vetëm oligarkëve dhe jo qytetarëve, ndaj vetë Rama është kthyer sot në një krizë për vendin. Njerëzit nuk duan batuta, koha po mbaron. Edhe 100 ditë për ndryshimin”,-shkruan Kryemadhi në rrjetet sociale.
Postimi i plotë:
Një qeverisje e paaftë di vetëm të justifikohet kur qytetarët kërkojnë llogari. Këtë gjë bëri qeveria edhe sot.
Përmbytjet janë përgjegjësi e kryeministrit dhe pasojat e rënda financiare nga krizat që vendi është përballur janë përgjegjësi e keqqeverisjes së tij.
Rilindja i shërben vetëm oligarkëve dhe jo qytetarëve, ndaj vetë Rama është kthyer sot në një krizë për vendin. Njerëzit nuk duan batuta, koha po mbaron. Edhe 100 ditë për ndryshimin!
#25Prill2021
