TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti francez Emannuel Macron, në një intervistë për BBC, ka thënë se Bashkimi Europian po planifikon të krijojë qendra shqyrtimi për aplikimet e regugjatëve për azil, në Afrikën Veriore, por ky projekt nuk do të funksionojë nëse ai nuk udhëhiqet nga vendet afrikane.
Macron u shpreh se shumë vende Afrikane janë shqetësuar sepse këto qendra mund të kthehet në një faktor tërheqës për shumë refugjatë. Asnjë vend afrikan nuk ka pranuar deri më sot, ngritjen e qendrave të tilla. Liderët e Bashkimit Europian kanë rënë dakord ta eksplorojnë këtë ide.
Kujtojmë se edhe Shqipëria u diskutua si një vend i mundshëm për krijimin e këtyre qendrave dhe kryeministri Edi Rama flirtoi me këtë ide, në prag të vendimit të BE-së për hapjen e negociatave me Shqipërinë. Por, kryeministri Rama e mohoi kategorikisht një gjë të tillë, fill pas marrjes së vendimit për shtyrjen e negociatave për në vitin 2019.
/TPZ.AL/
