TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shoferi i prokurorit Arjan Ndoja, Andi Maloku ka ndërruar jetë në spital pas atentatit që iu bë shefit të tij. Thuajse një javë më parë, Maloku u transportua me urgjencë në spitalin e Traumës në Tiranë për shkak të plagëve të marrë.
Me të marrë vesh lajmin për të birin, në spital mbërritën edhe familjarë të Malokut, bashkë me ta edhe nëna e tij.
Teksa 30 -vjeçari po i nënshtrohej një ndërhyrje kirurgjikale, e ëma e Malokut tentonte të futej brenda për t’i qëndruar pranë. Por në asnjë moment ajo nuk u lejua duke u nxjerrë jashtë prej krahu nga Policia.
Teksa nxirrej jashtë, nëna e tij e veshur e tëra me të zeza thoshte se djali i saj po jepte jetën për një rrogë 30.000 si shofer.
30-vjeçari mori dy plumba gjatë atentatit, një në shtyllën kurrizore dhe një në gjoks, lëndime të cilave nuk u shpëtoi dot edhe pse luftoi thuajse një javë me vdekjen.
