TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti francez, Emmanuel Macron, ka komentuar në një intervistë për ‘The Economist’, vendimin për të mos lejuar nisjen e negociatave të Shqipërisë dhe Maqedonisë së Veriut, me Bashkimin Europian.
'Duhet të them se shumica e tyre ishin pro nisjes së negociatave me Maqedoninë e Veriut, por thuajse gjysma ishin kundër Shqipërisë. Gabim fatal,' tha Macron.
Presidenti francez duket i vendosur kundër zgjerimit, duke thënë se procesi është i pakuptimtë.
'Është absurde të hapësh një proces thjesht burokratik,' u shpreh ai.
Macron tha se e mbrojti Shqipërinë nga poshtërimi duke mos lejuar që negociatat të nisnin vetëm me Maqedoninë e Veriut.
Presidenti Francez tha se nëse do poshtëronte Shqipërinë, kjo mund të sillte destabilitet në rajon.
Macron tha se pretendimet për ndikimin rus, kinez apo turk nëse nuk hapen negociatat nuk qëndron. Sipas tij, ka vende që kanë hapur negociatat, por sërish ndjehet ndikimi i këtyre influencave.
