TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas Endri Çekiçit te Olimpija e Ljubljanës do të kërkojë të lerë shenjë edhe një tjetër talent shqiptar. Shkodrani Klevis Bebeziqi ka firmosur një kontratë profesioniste 2-vjeçare me Olimpija Ljubjanën në Slloveni. Në fakt, Bebeziqi ka pasur dy gëzime të njëpasnjëshme pasi dy ditë më parë ai mbushi 18 vjeç, ndërsa dje u transferua te klubi i njohur slloven, që ka shumë besim te aftësitë e talentit shqiptar. Mësohet se mesfushori i rritur te Akademia e Vllaznisë prej kohësh ishte në monitorimin e klubit europian.
Njeriu që drejtoi negociatat ishte menaxheri Erkan Sulejmani, i cili është shprehur se ka shumë besim në aftësitë e 18-vjeçarit dhe pret që ai të jetë protagonist me klubin e Ljubjanës. Presidenti i Olimpijas është Milan Mandaric, një emër i njohur në fushën e biznesit ndërkombëtar e që është njëkohësisht aksioner edhe i klubeve angleze Portsmouth dhe Sheffield Wednesday. Bebeziqi luan si organizator në mesfushë dhe vlerësohet për vizionin e tij të lojës, shumë i shpejtë dhe me teknikë të lartë, teksa ka qenë pjesë e rregullt e ekipeve Kombëtare të Shqipërisë për moshat U-13, U-15, U-17 dhe U-19. Ai ka spikatur që në moshë të vogël me fanellën e Vllaznisë dhe ishte piketuar nga specialistët e futbollit si një lojtar që premton shumë për të ardhmen.
