TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy finalistët e Botërorit – Franca dhe Kroacia – janë ndeshur në të kaluarën pesë herë ndaj njëra-tjetrës, nga këto dy zyrtare dhe tri miqësore.
Bilanci është tri fitore për Francën dhe dy barazime.
Takimi i parë midis tyre daton, më 8 korrik 1998, pikërisht në gjysmëfinalet e Kupës së Botës 1998. Franca fitoi 2-1 me golat e realizuar nga Lilian Turam (47’ dhe 69’), edhe pse Kroacia udhëhoqi me golin e shënuar nga Davor Shuker (46’), me këtë të fundit që aktualisht është presidenti i Federatës Kroate të Futbollit.
Takimi tjetër zyrtar i përket Kampionatit Europian 2004, të zhvilluar në Portugali, një ndeshje grupi e përfunduar në barazim 0-0.
Më pas janë tri miqësore, dy në Paris dhe një në Zagreb. Franca fitoi 3-0 në “Saint Denis” (13.11.1999); fitoi 0-2 në Zagreb (28.05.2000) dhe barazoi 0-0 në “Saint Denis” (29.03.2011).
Nga takimi i fundit, ai i 29 marsit 2011, në ekipin aktual të Francës janë portieri Hugo Loris dhe Blez Matuidi. Nga Kroacia janë Luka Modriç, Daniel Lovren, Domagoj Vida, Ivan Rakitiç dhe Ivan Perishiç.
Trajneri i Francës ishte Lorent Blank, ndërsa i Kroacisë ishte Slaven Biliç.
/TPZ.Al/
