TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Komisionerja evropiane për Zgjerimin, Marta Kos, ka reaguar pas vendimit të Dhomave të Specializuara të Kosovës në Hagë, të cilat dënuan katër ish-krerët e Ushtrisë Çlirimtare të Kosovës për krime lufte. Përmes një reagimi, Kos theksoi se Dhomat e Specializuara të Kosovës janë një organ gjyqësor i pavarur dhe i paanshëm, ndërsa nënvizoi se vendimet e tyre duhet të respektohen.
“Dhomat e Specializuara të Kosovës janë një organ gjyqësor i paanshëm dhe i pavarur. Vendimet e tyre duhet të respektohen dhe të dënuarit kanë të drejtë ankese”, u shpreh ajo, Kos theksoi gjithashtu se çështja lidhet me përgjegjësinë individuale dhe drejtësinë për viktimat dhe familjet e tyre, pavarësisht përkatësisë komunitare. Ndër të tjera, komisionerja u bëri thirrje aktorëve në rajon që të kontribuojnë në procesin e pajtimit dhe në kapërcimin e pasojave të së kaluarës.
Kujtojmë se Dhomat e Specializuara të Kosovës në Hagë shpallën fajtorë katër ish-krerët e UÇK-së për katër akuza për krime lufte, ndërsa i liruan nga akuzat për krime kundër njerëzimit. Hashim Thaçi dhe Jakup Krasniqi u dënuan me nga 25 vjet burgim, Kadri Veseli me 18 vjet, ndërsa Rexhep Selimi me 13 vjet burgim. Aktgjykimi është i shkallës së parë dhe mbrojtja e të dënuarve ka paralajmëruar se do ta apelojë vendimin në instancat përkatëse të Dhomave të Specializuara.
Marta Kos: Dhomat e Specializuara të Kosovës janë një organ gjyqësor i paanshëm dhe i pavarur. Vendimet e tyre duhet të respektohen dhe të dënuarit kanë të drejtë ankese.
Bëhet fjalë për përgjegjësinë individuale dhe drejtësinë për viktimat dhe familjet e tyre nga të gjitha komunitetet në Kosovë. U bëj thirrje aktorëve në rajon që të ndihmojnë në shërimin e plagëve të së kaluarës. Vetëm përmes pajtimit, vendet e rajonit mund t’i kapërcejnë ndasitë dhe të ecin përpara drejt një të ardhmeje të përbashkët në BE.
