TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mançester Siti ia ka dalë të fitojë pa probleme në transfertën e Londrës teksa përballë kishte Arsenalin. Ekipi i drejtuar nga Pep Guardiola triumfoi me rezultatin e pastër 0-3, falë edhe një Kevin De Brujn në superformë. Belgu ishte protagonisti kryesor i ndeshjes teksa realizoi dy gola dhe asistoi në tjetrin.
Takimi nisi me një gol të shpejtë dhe në minutën e dytë “Qytetarët” e panë veten në avantazh. Gabriel Zhezus lëvizi bukur në zonë ndërsa pasoi për mesfushorin, i cili në një pozicion të favorshëm nuk fali dhe dërgoi sferën në rrjetë. Ndërkohë, në minutën e 15 ishte radha e Sterling të vendoste emrin në listën e golashënuesve i asistuar nga De Brujn. Kur kishin mbetur edhe pesë minuta nga përfundimi i pjesës së parë, De Brujn konfirmoi mbrëmjen fantastike teksa realizoi një me një goditje kirurgjikale në hyrje të zonës.
Me dominimin e Sitit u mbyll pjesa e parë, ndërsa në të dytën të besuarit e trajnerit Pep Guardiola menaxhuan avantazhin, teksa Arsenali pavarësisht përpjekjeve nuk ia doli të shënonte të paktën golin e nderit. Pas kësaj humbje londinezët janë në vendin e nëntë me 22 pikë, ndërkohë nga ana tjetër, Mançester Siti mbetet forcë e tretë pas Liverpulit kryesues dhe Leisterit të vendit të dytë.
