TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
shtë liruar nga Komisariati nr. 1 Arben Kola, një nga organizatorët e protestës së zhvilluar sot në Tiranë si dhe një tjetër protestuese e shoqëruar gjatë tubimit të sotëm..
Pas daljes nga ambientet e policisë, Kola dha një prononcim për mediat, ku tha se shoqërimi i tij erdhi ndërsa po bënte thirrjet e zakonshme të protestës.
“Thjesht po bëja thirrjet tona të zakonshme. Thirrjet ishin: ‘Ju me gaz, ne me vezë’, ‘Edi Rama i pabesë’. Si duket u bënë xhelozë”, u shpreh ai.
Sipas Kolës, efektivët nuk i dhanë një shpjegim konkret për shoqërimin.
“Nuk thanë asgjë. ‘Pse ke dalë, ligji ky e ligji ai’, siç janë akuzat që policia përdor për të shantazhuar protestuesit. Nuk u ushtrua presion”, deklaroi ai.
Në përfundim të prononcimit, Kola përsëriti se, sipas tij, shoqërimi ishte i motivuar nga mesazhet e protestës.
“U bënë xhelozë nga fjalët që thashë”, përfundoi ai.
Pas qëndrimit prej pak orësh në ambientet e komisariatit, ata janë lënë të lirë, ndërsa protesta vijon të jetë e planifikuar të zhvendoset në orën 19:00 para Kryeministrisë, në kuadër të tubimeve të zhvilluara prej javësh.
