TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Janë mbyllur edhe ndeshjet e darkës në Ligën e Kombeve. Anglia kapitulloi ndaj Belgjikës me shifrat 2-0. Vendasit zgjidhën gjithçka në pjesën e parë me dy supergola të Mertens dhe Tielemans.
Mesfushori i Leicester në Angli lëshoi një predhë nga jashtë zonë në minutën e 10-të, ndërsa Mertens në të 24-tën ekzekutoi në perfeksion një goditje dënimi.
Edhe Italia fitoi sot ndaj Polonisë. Kombëtaren e kaltër e nderoi një penallti e Jorginho në pjesën e parë dhe një gol i Berardit në fund, i ndihmuar edhe nga fakti se Polonia luajti nga minuta e 77-të me 10 lojtarë, pas përjashtimit të Goralski.
Në ndeshjet e tjera Çekia mundi minimalisht Izraelin dhe Danimarka fitoi ndaj Islandës me shifrat 2-1, falë penalltisë së shndërruar në gol nga Eriksen.
