TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas ndeshjeve të Kombëtares në Ligën e Kombeve, sot rikththen sërish emocionet e Ligës së Kampionëve, ku në fushë do të zbresin gjigandët e Europës, për të dhuruar spektakël dhe përballje fantastike. Liga e Kampionëve, ashtu si edhe herët e tjera do të luhet në dy orare të ndryshme.
Në orën 18:55, AEK-u pret në shtëpi Bajern Mynihun, ndërkohë që Jang Bojs pret Valencian. Në mbrëmje, duke nisur nga ora 21:00, do të ketë edhe 6 ndeshje të tjera, ku spikat supersfida mes Mançester Junajtidit dhe Juventusit.
Kristiano Ronaldo do të rikthehet edhe njëherë tjetër si “ish” në ‘Old Traford’, por këtë herë me fanellën e Juventusit dhe jo të Realit. Skuadra italiane, po kalon një moment mjaft të mirë në kampionat, ndërkohë që nuk mund të thuhet e njëjta gjë për “Djajtë e kuq”.
Në fushë do të zbresë edhe Real Madridi, që luan në shtëpi ndaj Viktoria Plzen. Ajaksi pret Benfikën, ndërsa Roma ka një takim delikat ndaj CSKA-së së Moskës. Shakhtar Donjesk-Mançester Siti dhe Hofenhaim Lion, janë dy takimet e tjera që luhen sot në orën 21:00.
