TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Janë luajtur ndeshjet e turit të parë të Kupës së Shqipërisë, teksa nuk ka pasur ndonjë surprizë, po të mos kishte qenë për një gol të Danilo Alvesh. Braziliani i dha fitoren Flamurtarit, që në Peqin po barazonte 0-0 me formacionin e plotë në fushë.
Skënderbeu e ka hipotekuar kualifikimin, pasi në Koplik ka arritur të fitojë me rezultatin 0-3. Me “poker” ka triumfuar Luftëtari kundër Vorës në transfertë, ndërkohë që nga ekipet e grupit A kanë fituar edhe Partizani me Kamzën.
Të kuqtë kanë thyer Tërbunin, kurse ekipi i drejtuar nga Klodian Duron Besën e Kavajës. Besëlidhja në Lezhë ka kaluar me rezultatin e pastër 2-0 Erzenin. Barazim i Kastriotit në Peshkopi me Korabin, ndërkohë që Egnatia kanë fituar në transfertë me Dinamon. Barazim në Burrel mes vendasve dhe Vllaznisë.
KUPA E SHQIPËRISË – RAUNDI I PARË (VAJTJE)
Grupi A
Veleçiku-Skënderbeu 0-3
Vora-Luftëtari 0-4
Tërbuni-Partizani 0-1
Besa-Kamza 0-1
Burreli-Vllaznia 1-1
Korabi-Kastrioti 1-1
Dinamo-Egnatia 0-1
Besëlidhja-Erzeni 2-0
Në grupin B, Laçi finalist i Kupës së Shqipërisë vjet, nuk ka falur Naftëtarin, teksa ka shënuar pesë herë në portën e kuçovarëve. Kukësi i është falur Ethemit në transfertën me Orikun. Teuta në Cërrik ka bërë detyrën, duke fituar me tre gola.
Fitore e Flamurtarit në fund, kurse Tirana ka përmbysur Ilirinë, që shënoi e para. Lushnja ka përmbysur Shënkollin, duke fituar 1-2. Tomori ia ka dalë me sukses ndaj Bylisit, sikurse Apolonia me Pogradecin në transfertë.
Grupi B
Oriku – Kukësi 1-2
Naftëtari-Laçi 0-5
Shkumbini-Flamurtari 0-1
Turbina-Teuta 0-3
Shënkolli-Lushnja 1-2
Iliria-Tirana 1-4
Tomori-Bylis 2-1
Pogradeci-Apolonia 0-1
