TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama ka komentuar protestat e zhvilluara në Tiranë, kërkesat e qytetarëve për ndryshim, si dhe akuzat për fuqizimin e grupeve kriminale shqiptare në tregjet ndërkombëtare të drogës.
Gjatë një interviste për gazetarin amerikan Andrew Callaghan, në emisionin “Channel 5”, Rama u pyet për tubimet e fundit, të cilat janë cilësuar nga protestuesit si “Revolucioni Flamingo”, dhe për shqetësimet që kanë ngritur qytetarët.
Kreu i qeverisë tha se protesta është një e drejtë në një vend demokratik, ndërsa shtoi se gjatë javës së parë të tubimeve qeveria kishte mbajtur shënime për kërkesat e protestuesve dhe se disa prej tyre tashmë kanë nisur të zbatohen.
Si shembull, Rama përmendi atë që e quajti “pasqyra dixhitale”, duke thënë se është një nismë që është ndërmarrë pas shqetësimeve të ngritura gjatë protestave.
Pjesa më e debatueshme e intervistës ishte ajo që lidhej me akuzat për rritjen e krimit të organizuar shqiptar dhe ndikimin e grupeve kriminale në tregjet ndërkombëtare të kokainës.
I pyetur për raportimet e DEA-s, inteligjencës së SPAK-ut dhe organizatave të tjera mbi aktivitetin e grupeve shqiptare në Europë, Australi, Izrael dhe porte të Ekuadorit, Rama i cilësoi pretendimet për ekzistencën e një “mafia shqiptare” si “gjepura”.
Ai iu referua edhe një bisede që, sipas tij, kishte pasur me drejtuesin e SPAK-ut, i cili pretendonte se i kishte thënë se një organizatë e tillë nuk ekziston.
Pjesë nga intervista:
Rama: Më thuaj çfarë do nga unë.
Gazetari: Çfarë mendimi keni për protestat në rrugë, “Revolucioni Flamingo” dhe njerëzit që kërkojnë ndryshim?
Rama: A po ndjen që këtu është duke ndodhur ndonjë revolucion?
Gazetari: Thjesht po e them ashtu siç e quajnë…
Rama: Është një protestë dhe çdo gjë është në rregull. Ne kemi të drejtën të protestojmë si një vend i lirë demokratik.
Gazetari: A keni dëgjuar ndonjë shqetësim të tyrin që ju ka bërë të mendoni se duhet të ndryshoni disa gjëra për shoqërinë këtu?
Rama: Jo, le të themi që javën e parë, kur të gjithë ishin në rrugë, ishte shumë e dobishme për të kuptuar që të dëgjonim përtej zhurmës. Dhe sigurisht që ne kemi mbajtur shënime. Disa gjëra nga këto shënime janë duke u zbatuar.
Gazetari: Cilat janë ato gjëra që ju mendoni se janë të rëndësishme për t’u zbatuar?
Rama: Për shembull, pasqyra dixhitale. Presidenti juaj (Donald Trump), pak ditë më parë ekspozoi një burim informacioni të AI për qeverinë. Kështu që ne e lançuam menjëherë pasi e mbajtëm shënim që nga fillimi i protestës dhe tani po e zbatojmë. Për shembull, tani keni online të ekspozuara në mënyrë transparente çdo gjë që është e lidhur me projektin që ka nxitur turmën.
Gazetari: Një temë që ka dalë shumë nga këto protesta është rritja e krimit të organizuar në Shqipëri. Se si disa grupe të ndryshme janë rritur shumë, duke dominuar në tregun e kokainës në Europë, Australi dhe shtete të tjera. Raportet e DEA-s (Agjencia për Zbatimin e Ligjeve mbi Drogat), inteligjenca e SPAK-ut dhe organizata të tjera kanë folur se si tregje të ndryshme të kokainës në Londër, në Izrael dhe porte të ndryshme në Ekuador, tashmë janë nën kontroll nga grupe që kanë pranuar se kanë lidhje me mafian shqiptare.
Rama: Unë kam dëgjuar se, në të kundërt, të paktën drejtori i SPAK, pak vite më parë që nuk ka diçka të tillë si mafia shqiptare. Nuk ekziston. Ka shqiptarë, siç ka amerikanë, siç ka spanjollë ose italianë, quaji si të duash, që janë të përfshirë në këtë zinxhir mbarëbotëror. Por nuk ka asgjë si një mafia shqiptare që kontrollon botën e kokainës. Këto gjëra janë, më falin, gjepura.
Gazetari: Nga mendoni se vijnë këto gjepura?
Rama: Jo, por janë gjepura sepse nuk përputhen me realitetin e gjërave.
Gazetari: Pra ju mendoni se këto gjëra nuk ndodhin?
Rama: Ky nuk është një opinion. Po ju them që vetë drejtori i SPAK më ka thënë se mafia shqiptare nuk ekziston.
Gazetari: Në rregull. Nëse sheh të dhënat e fundit të publikuara nga SPAK së fundmi, thuhet se përmes 2015 dhe 2024, është vlerësuar se më shumë se 54% e parave që lundrojnë nga agjencitë imobilare dhe sektorit të konstruksionit në Shqipëri vijnë nga burime të panjohura dhe të paligjshme. Ju keni dorë në aprovimin e këtyre zhvillimeve.
Gazetari: SPAK. Shumë gazetarë ndërkombëtarë.
Rama: SPAK-u nuk e ka thënë kurrë këtë. SPAK-u nuk e ka raportuar kurrë këtë problem, sepse SPAK mund të ketë thënë diçka të ndryshme, që paratë e sekuestruara janë, një pjesë e tyre janë derdhur në agjencitë imobilare. Por SPAK nuk e ka thënë kurrë atë, ky është budallallëk.
