SPORT, 23 Qershor 2021, 10:59

Juventus, Chelsea dhe Barcelona sfidojnë UEFA-n, vendosin ylberin në logot e tyre në mbrojtje të të drejtave LGBT

Juventus, Chelsea dhe Barcelona sfidojnë UEFA-n, vendosin ylberin në
Nëse Uefa i ka thënë jo propozimit të kryetarit të Bashkisë së Mynihut për të ndezur Allianz Arena për ndeshjen Gjermani-Hungari me ngjyrat e ylberit (pasi qeveria hungareze kishte miratuar një ligj që ndalon promovimin e homoseksualitetit tek të miturit), klubet e Super League kthehen të kundërshtojnë qeverinë e futbollit, në mbrojtje të të drejtave të komunitetit LGBT. Kështu, Juventus, Barcelona por edhe Chelsea kanë ngjyrosur logot e tyre me ngjyrat e ylberit. “Të gjithë e duan futbollin” shkruan klubi i Juventusit në mediat sociale, duke e shoqëruar postimin me hashtagun #DifferencesMakeTheDifference (“ndryshimet bëjnë diferencën”). Edhe Barcelona dhe Chelsea janë gjithashtu midis skuadrave që kanë ndryshuar ngjyrat e logos.