TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Juventus bën “vetvrasje” në shtëpi kundër Tottenham duke komplikuar çështjen e kualifikimit për më tej në Champions League.
Kampionët e Italisë barazuan 2-2 në “Juventus Stadium”, edhe pse ishin në kryesim 2-0.
Pjesa e parë e takimit Juventus-Tottenham përfundoi me rezultatin 2-1.
Kampionët e Italisë e panë veten shumë shpejt në avantazh, pasi Higuain shënoi që në minutën e 2-të. Ishte sërish sulmuesi argjentinas që dyfishoi në minutën e 8-të nga pika e bardhë e 11-metërshit.
Por, Tottenham nuk u dorëzua dhe shkurtoi diferencën me sulmuesin Harry Kane në minutën e 35-të.
Ndërkohë që Higuain humbi një 11-metërsh në minutën e 45+2’, duke humbur shansin që të mbyllte sfidën. Tottenham barazoi 2-2 ndaj Juventus në minutën e 72-të. Eriksen goditi në mënyrë mjeshtërore një gjuajtje të lirë, duke mposhtur Buffon. Tashmë kualifikimi do të vendoset në Angli, edhe pse Tottenham është i favorizuar për shkak të dy golave në fushë kundërshtare.
