Balerini i njohur shqiptar, Ilir Shaqiri, në një mesazh publik drejtuar kryeministrit Edi Rama, i bën thirrje për marrjen e masave ndaj të varfërve, që nuk kanë mundësi të sigurojnë bukën e gojës, të burgosur në shtëpi.
Iliri Shaqiri i sugjeron kryeministrit Rama, që pikësëpari t’i sigurojë ushqim shqiptarëve në varfëri, sepse vetëm kështu mund ta mundin virusin, me barkun plot. Balerini madje i jep dhe një sugjerim se si mund ta arrijë këtë:
Merru të pasurve.
Postimi i plotë
“Mesazh Publik për EDI RAMA.
Po i gjykove njerëzit nuk do kesh kohë t’i ndihmosh … kështu thotë e lavdishmja Nënë Tereza .. Çfarë faji kanë fëmijët që nëna dhe babai punojne ne te zeze duke mbajtur tulla e llaç, duke larë e shplarë?
Jepu mundësinë fukarejve të burgosur në shtëpi që të hanë e të mbijetojnë si gjithë të tjerët sepse njeriu më shpejt VDES vdes nga uria sesa nga virusi .
Duhet urgjent dekreti 10% OLIGARK TAKSE per ata që kanë në llogarinë personale bankare 10.000 € e sipër!!! MERRU TË PASURVE
JEPU TE VARFËRVE!!! Duhet shpetuar mbi te gjitha NJERIU sepse lufta për JETËN kundër virusit është e mundur vetëm me barkun plot, sepse koha e luftës do jetë e gjatë dhe sepse paslufta akoma më e gjatë.
Kemi prindër te moshuar në duart e tua dhe te pamundur ti asistojmë, prindër që kanë punuar 50 vjet për at vend duke larë me djersë e gjak tokën që sot e gëzojne oligarkët.
Jepi popullit mundesinë të të falenderojnë peër gjithë kohët që do vijnë për cfarë bëre dhe si e bëre . Respekt
Ilir Shaqiri.”
