TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Maturantët shqiptarë në disa qytete të Shqipërisë kanë dalë prej dy ditësh në protestë, pasi janë shprehur se provimi i matematikës këtë vit ishte shumë i vështirë.
Ata madje kanë paralajmëruar se nëse ky problem nuk zgjidhet, nuk do të hyjnë në provimin e radhës.
I ftuar në “ABC e Mëngjesit”, ish-drejtori i Arsimit parauniversitar, Fatmir Vejsiu, i cili është edhe mësues matematike ka deklaruar se 80% e pyetjeve të provimit ishin të thjeshta.
“Në fund më doli që rreth 80% e pyetje janë të lehta. Ushtrim i bukur ishte ushtrimi 25. Pash një ushtrim që ishte i përkthyer edhe pse matematika nuk ka përkthim.
Ushtrimi katër ishte i bukur por i vlerësuar me 1 pikë me qarkim, bën diferencën nga nxënësi që mëson duhet të kishte më shumë pikë dhe me shtjellim.
Ka një ushtrim për kornizën ku nxënësit janë ngatërruar se sipërfaqja e brendshme nuk ndikohet nga trashësia e kornizës. Por një nxënës ekselentë duhet ta kapi atë.
Matematika nuk ka klishe që këtë ushtrim ti do e zgjidhesh vetëm do të ndryshojnë numrat”.
Më tej, ai i ka bërë thirrje mësuesve të matematikës të dalin në protestë se sipas profesorit është rimëkëmbur dinjiteti i tyre.
“Unë kam ardhur me këtë bindje që t’i bëj thirrje mësuesve të matematikës të dalin në protestë se është rimëkëmbur dinjiteti i tyre.
Unë rekomandoj që ushtrimi 6 të hiqet fare, nuk mund të thuash që ushtrimi 4 të vlerësohet më shumë se me alternativë është dhe 1 pikë duhet të ketë”.
