AKTUALITET, 17 Maj 2020, 18:08

Idrizi: Jemi nën një regjim, duhet ta rifitojmë demokracinë! Opozita e bashkuar në protestë!

Idrizi: Jemi nën një regjim, duhet ta rifitojmë demokracinë!

Në ballë të protestave opozitare sot është vënë edhe PDIU-ja. Kryetari i saj Shpëtim Idrizi, por edhe ish-deputetja Mesila Doda po protestojnë si pjesë e opozitës së bashkuar.

Vetë Idrizi tha se qytetarët duhet të protestojnë, e bashkë me ta edhe opozita e bashkuar.

“Sot na u bë e qartë se shqiptarët duhet të rifitojnë demokracinë, sot u faktua se jemi nën regjim. Nuk ka asgjë të paqartë, para se të jemi opozitarë jemi qytetarë, ne do të jemi cdo ditë në mbështetje të protestave të qytetarëve. Sigurisht edhe si opozitë e bashkuar do të organizojmë protestat tona. Ju e shihni si po na tregohet arroganca, përballja me një regjim do skarifica, nëse opozita nuk e bën këtë duhet të ikë në shtëpi, dhe le ta bëjnë qytetarët- tha ai.