TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sani Uka, ka dëshmuar para Gjykatës së Lartë të Beogradit se si një ushtar serb në luftën e Kosovës ka vrarë tre fqinj në vitin 1999 në fshatin Zehac të Kosovës.
“Dy ushtarët erdhën. Njëri prej tyre u afrua dhe më tha: Unë jam i interesuar vetëm në para, a keni të holla?” ka shpjeguar ngjarjen Uka në seancën dëgjimore, shkruan Balkaninsight”
Ai ka treguar se si ushtari serb i ka rrëmbyer atij 1,400 marka gjermane, duke shtuar se si i vrau fqinjët duke i djegur në një hambar.
Prokuroria serbe ka akuzuar 11 ish-anëtarë të njësisë 177, të Ushtrisë Jugosllave për kryerjen e krimeve të luftës në fshatrat Qyshk, Pavlan, Zahac dhe Lybeniç në pranverë të vitit 1999.
Grupi u dënua në vitin 2014 me një total prej 106 vitesh burgim për vrasjen e 118 civilëve shqiptarë të Kosovës. Gjykata e Apelit në Serbi ka kthyer çështjen përsëri në rigjykim gjatë vitit 2015.
