TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sekretari i Përgjithshëm i PS-së Damian Gjiknuri, paralajmëroi sot se viti i ri do e gjejë PS të riorganizuar pas një analize që do të bëhet për rezultatin që partia mori në zgjedhjet e 25 prillit.
Lidhur me pakënaqësi të mundshme që janë krijuar brenda PS pas Asamblesë Kombëtare të partisë pak ditë më parë, Gjiknuri tha se këto mund të jenë anektoda.
I pyetur dhe për pozicionin e ri të tij, që e mbante më parë Taulant Balla, Gjiknuri tha se kjo lëvizje është bërë për riogranizim të ri e jo për të ulur dikë apo ngritur dikë.
"Z.Balla ka një detyrë shumë të rëndësishme, mendoj ndarja e dy funksioneve gjithmonë është bërë për në funksion të riorganizimit më të mirë, s’ka pasur qëllim të zvogëlojë dikë apo të rrisë dikë tjetër.”- deklaroi ai.
Keni nisur me një analizë të zgjedhjeve të 25 prillit?
Do zgjasë deri në fund të vitit e fillimi i vitit do gjejë PS edhe me një statut të ri e riorganizim të ri për t’ju përgjigjur sfidave që kërkon mandati i tretë.
Se mandati i tretë është i vështirë njerëzit kanë pritshmëri ka pasur dhe probleme që ne duhet ti adresojmë.
A ka pakënaqësi brenda PS e si do i menaxhoni ju si Sekretar i Përgjithshëm?
Nuk e di, mund të jenë konstaftime të natyrës së anektodave. Natyrshëm brenda një organizate mund të ketë, por do fashitet rrugëve se jam i bindur që PS ka kaluar aq prova sa të mbajë gjithë ekuilibrat e nevojshëm për të nxjerrë më të mirën.
