TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gazetarja Klodiana Lala është shprehur se nga të dhënat jo zyrtare, dyshohet se ish-kryeprokurori Adriatik Llalla ndodhet në shtetin e Zvicrës.
Në emisionin “Opinion”, Lala tha se ish-kryeprokurori ka udhëtuar para dy javësh nga Rinasi në drejtim të Turqisë, por nuk e ka deklaruar destinacionin final në aeroport.
“Unë në mesditë kam pasur kontakte me disa burime të mia që më kanë konfirmuar se në dy javët e fundit ka udhëtuar nga aeroporti i Rinasit në drejtim të Turqisë. Ka pasur mundësi të komunikojë më një nga oficerët. Llalla nuk ka deklaruar destinacionin final sepse ka qenë qytetarë i lirë dhe nuk ka pasur masë sigurie. Jo zyrtarisht thuhet se Llalla mund të gjendet në Zvicër”,-tha Lala.
Llalla është shpallur në kërkim, pas dënimit me dy vite burg nga Gjykata, pasi akuzohet për mosdeklarim dhe fshehje të pasurisë teksa bëhet i pari zyrtar i lartë i dënuar me burg që nga miratimi i Reformës në Drejtësi.
