AKTUALITET, 2 Qershor 2020, 10:15

Futbollisti i Bylisit dyshohet pozitiv me koronavirus

Futbollisti i Bylisit dyshohet pozitiv me koronavirus


Tronditet edhe futbolli shqiptar nga Koronavirusi, teksa 24 orë para rifillimit të kampionatit, një lojtar i Bylisit dyshohet se ka rezultuar pozitiv me Koronavirus.

Sipas asaj që shkruan “Procesi Sportiv”, një nga lojtarët e Bylisit ka rezultuar pozitiv dhe ka sjellë ankth të madh te pjesa tjetër e skuadrës.

Thuhet se lojtari, emri i të cilit ende nuk bëhet i ditur, ditët e fundit ka udhëtuar drejt Shkodrës, ku mendohet se ka rënë në kontakt me virusin.

Një lajm ky shumë i keq për kampionatin shqiptar, i cili do të rinisë ditën e nesërme pas diskutimeve të shumta prej kohësh.