AKTUALITET, 31 Gusht 2018, 18:52

Festoi me shqiponjë, futbollistja e Suedisë: Ishte për Kosovën, nuk kam frikë për dënimin

Futbollistja e përfaqësueses së Suedisë, Kosovare Asllani, u bë protagoniste në fitoren 3-0 kundër Ukrainës jo vetëm për golin që realizoi, por edhe për mënyrën e festimit. Ajo festoi duke bërë shqiponjën, një gjest që i ngjan atij të Granit Xhakës dhe Shaqirit. E pyetur nga media suedeze “SVT Sport” përse bëri këtë gjest futbollistja me origjinë shqiptare deklaroi: “Ishte për Kosovën, vendim tim të origjinës. Në të njëjtën kohë edhe për nipin tim, që ka mësuar të bëjë simbolin e shqiponjës. Kjo nuk është politike, gjatë Botërorit ishte diçka tjetër duke parë kundërshtarin me të cilin luhej. Kjo ishte në nder dhe një përshëndetje për nipin tim. Ishte thjesht spontane, jo e planifikuar.” E pyetur nëse kishte frikë se dënohej Kosovare Asllani u përgjigj: “Mund ta marrin pagën time, nuk ka gjë.” Ndërkohë ky është postimi që futbollistja ka bërë gjatë Botërorit kur Xhaka dhe Shaqiri festuan me shqiponjë.
View image on TwitterView image on Twitter
Kosovare Asllani @KosovareAsllani

Emotional game, thank you Shaqiri & Xhaka???

“Ndeshje emocionuese, faleminderit Xhaka dhe Shaqiri.”-shkruan ajo. (e.k/BalkanWeb)