TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në emisionin "Të Paekspozuarit" në MCN TV, pati një debat mes Ilir Metës dhe Ylli Rakipit, për mediat e financuara nga inceneratorët, të cilat ai nuk i përmend.
Rakipi përmendi rastin e pronarit të “Prestige Resort”, të cilin Meta e mbrojti pak ditë më parë për shembjen e pishinave nga IKMT, por nuk përmend faktin se mediat e tij, kanë marrë reklama nga inceneratorët.
Meta tha se mediat kanë marrë "thërrime" nga inceneratorët.
Pjesë nga biseda:
Ylli Rakipi: Nesër është protesta e inceneratorëve. Unë kam realizuar disa emisione për këtë problem. Kjo luftë është shumë e drejtë dhe shumë e domosdoshme, por ndërkohë dilni dhe bërtisni për lirinë e medias, për ata që kanë ndarë lekët e inceneratorëve.
Ilir Meta: Për cilët pronarë?
Ylli Rakipi: Për pishinat…
Ilir Meta: Po, çfarë ndodhi te pishinat?
Ylli Rakipi: Lekët e inceneratorëve i kanë marrë këta.
Ilir Meta: Lekët e inceneratorëve i ka marrë Edi Rama, sepse janë 420 milionë euro. Nëse kanë marrë ca thërrime disa media…
Ylli Rakipi: Jo, jo se janë pjesa dërrmuese e mediave.
Ilir Meta: Krahason ato që kanë marrë media me thërrime me milionat që ka marrë Edi Rama me ata që janë në kërkim, do të thotë ta banalizosh.
Ylli Rakipi: Pra varet nga sasia?!
Meta: Unë mund t’i fajësoj mediat patjetër, por kjo është të amnistosh Edi Ramën....
Ylli Rakipi: Disa herë thua amniston, Çlidhje kemi ne me aministinë e Edi Ramës? Nuk u ngrit njeri nga politika kur u mbyll emisioni im, me përjashtim të Sali Berishës. Ju vajtët te pishinat.
*Emisionin e plotë mund ta ndiqni duke klikuar këtu!
