LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

AKTUALITET, 11 Dhjetor 2019, 18:17

Donika Prela kapet në foto me anëtarin e KLP-së, një ditë para se të caktohet në Apelin e Tiranës

TPZ

Vetëm një ditë para dorëzimit të detyrës si Drejtuese e Prokurorisë së Krimeve të Rënda, teksa ky institucion do të shkrihet për t’u zëvendësuar nga SPAK, Donika Prela është “kapur mat” me një prej anëtarëve të Këshillit të Lartë të Prokurorisë.

“BalkanWeb” sjell fotot, ku Prela shihet duke biseduar me anëtarin e KLP, Vate Staka, në zonën e 9-katësheve në Tiranë.

Nuk dihet se çfarë po diskutohet mes tyre, por ditën e nesërme KLP merr vendimin final për caktimin e përkohshëm të saj dhe me shkrirjen e Krimeve të Rënda nga ngritja e SPAK, Donika Prela duhet të rikthehet në Durrës, aty ku shërbente para se të merrte këtë detyrë.

Por, siç duket, Prela ka nisur lëvizjet, në mënyrë që KLP të votojë për caktimin e saj në Apelin e Tiranës. Ky takim i fshehtë e vë Prelën në situatën e konfliktit të interesit, pasi nuk, lejohet që para mbledhjes së KLP të ketë takime me anëtarët.