TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Disa persona kanë rënë në pranga për vepra të ndryshme penale.
Policia e Tiranës bën me dije se 29-vjeçari G.Q., është arrestuar pasi ka ushtruar dhunë fizike e psikologjike ndaj prindërve të tij.
Gjithashtu në pranga ka rënë 34-vjeçari R.H., pasi në lokalin e tij ushtronte aktivitet të kundralighshëm të lojërave të fatit, ndërsa në vijim të veprimeve u proceduar edhe 7 persona të tjerë që ishin klientë të lokalit.
Uniformat blu bëjnë me dije se është arrestuar 35-vjeçari A.K., i cili ishte me masë sigurie “Arrest në shtëpi” për veprat penale “Përndjekja” dhe “Heqja e paligjshme e lirisë”, sepse në rrugën “7 Marsi”, u kap jashtë banesës.
Ndërsa 44-vjeçari A.K., është arrestuar pasi gjatë një konflikti për motive të dobta dyshohet se ka kanosur me armë gjahu qytetarin F.R.
Sakaq nga specialistët e Qarkullimit Rrugor u bë arrestimi në flagrancë i këtyre personave:
-Xh. M., 20 vjeç, K. A., 52 vjeç dhe E. B., 30 vjeç,pasi u kapën duke drejtuar mjetet pa lejen përkatëse;
-A. M., 45 vjeç, A. M., 28 vjeç, E. K., 26 vjeç, dhe A. G., 40 vjeç, pasi u kapën duke drejtuar mjetet përkatëse në gjendje të dehur.
Specialistët për Hetimin e Krimit në Komisariatin e Policisë Nr. 3 bënë procedimin në gjendje të lirë të 29-vjeçarit D. T., pasi ka dhunuar fizikisht dy qytetaret A. E. dhe D. D.
Nga veprimet hetimore ka rezultuar se ky shtetas vuante nga depresioni dhe çrregullimet e ankthit.
Pas përfundimit të veprimeve procedurale dhe udhëzimeve të Prokurorit ky shtetas u dërgua në Spitalin Nr.5 Tiranë për trajtim të specializuar.
Ndërsa më datë 21.08.2021, në rrugën ‘‘Njazi Meka“, kanë vjedhur një shumë të papërcaktuar vlerash monetare në banesën e shtetasit H. Ç. Punohet për identifikimin dhe kapjen e autorit.
