TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e Vlorës ka vendosur në pranga 4 persona, të akuzuar për vepra të ndryshme penale. Një nga të arrestuarit është shtetasi turk, M. K., 38 vjeç.
Ky i fundit dyshohet se është futur në mënyrë të paligjshme në territorin e Republikës së Shqipërisë. Gjithashtu, në pranga ka rënë edhe 45-vjeçari H. M., banues në Janjar të Konispolit, pasi dyshohet se ka dhunuar babain e tij.
Materialet iu referuan prokurorisë, për veprime të mëtejshme.
Njoftimi i Policisë:
DVP Vlorë
Vihen në pranga 4 shtetas, për vepra të ndryshme penale.
Specialistët për Hetimin e Krimeve në Komisariatin e Policisë Sarandë, arrestuan në flagrancë shtetasin turk, M. K., 38 vjeç, banues në Turqi, pasi dyshohet se është futur në mënyrë të paligjshme në territorin e Republikës së Shqipërisë, me pasaportë të falsifikuar.
Po nga specialistët për Hetimin e Krimeve në Komisariatin e Policisë Sarandë u bë ndalimi i shtetasit H. M., 45 vjeç, banues në fshatin Janjar, Konispol, pasi ka ushtruar dhunë fizike ndaj babait të tij.
Specialistët e Qarkullimit Rrugor në Drejtorinë Vendore të Policisë Vlorë arrestuan në flagrancë shtetasit:
•Sh. M., 20 vjeç, banues në Vlorë, pasi duke drejtuar motomjetin pa leje drejtimi është përfshirë në një aksident me një automjet tjetër, drejtuesi i të cilit është dëmtuar dhe ndodhet në spital jashtë rrezikut për jetën;
•V. M., 25 vjeç, banues në Bourges, Francë, pasi është konstatuar duke drejtuar automjetin në gjendje te dehur.
Materialet iu referuan prokurorisë, për veprime të mëtejshme.
