TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ditën e djeshme, qyteti i Elbasanit u trondit nga vrasja e avokatit Ravik Gurra.
Detaje të reja janë zbuluar nga vrasja me dy plumba në kokë e avokatit të fisit të Çapjave dhe të Emiliano Shullazit.
Burime hetimore bëjnë me dije se makina që u gjet e djegur në fshatin Bradashesh rezulton të jetë e vjedhur në dhjetor të vitit 2018 dhe është e denoncuar nga pronari i saj.
Tashmë çështja ka kaluar tek Prokuroria e Krimeve të Rënda kanë marrë në dorë hetimet duke mbledhur dëshmitë dhe pamjet e kamerave të sigurive pranë lokalit ku u vra Gurra.
Sipas kamerave të sigurisë, një person i pamaskuar u afrua në tavolinën ku ndodhej i ulur 50-vjeçari së bashku me dy miq të tij, ndërsa në makinën tip “Benz” e prishte bashkëpunëtori duke qëlluar me silencator avokatin.
Pasi kreu krimin, autori u largua me shpejtësi duke e lënë makinën 7 kilometra larg vendit të ngjarjes në zonën e Bradasheshit. Në momentin e gjetur në Bradasheshit, mjeti u gjet i djegur duke e bërë edhe më të vështirë mbledhjen e provave.
Avokati Ravik Gurra kishte marrë para disa vitesh pasaportën angleze. Ai bënte një jetë mes Shqipërisë dhe Anglisë ku aktualisht ka edhe familjen e tij. Gurra njihet si avokati i Emiljano Shullazit, anëtarëve të fisit “Çapja” në Elbasan, bandës “Hakmarrje për drejtësi” dhe dy vëllezërve Hysa.
