TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 24-vjeçar është qëlluar për vdekje në Elbasan, ndërsa vëllai i tij ka mbetur i plagosur. Viktimë e atentatit ka mbetur shtetasi i identifikuar si Klevi Baho 24-vjeç.
Ndërkohë i plagosur ka mbetur vëllai i viktimës i identifikuar si Sandër Baho 30-vjeç, i cili dyshohet të ishte edhe shënjestra e atentatit.
Të dy vëllezërit po udhëtonin së bashku me një makinë tip “Audi” në aksin rrugor Peqin-Elbasan, ndërsa disa persona të panjohur kanë qëlluar me armë zjarri ndaj dy vëllezërve duke i marrë jetën të riut.
Viktima kishte pak ditë që kishte lënë burgun në Itali. Ngjarja e rëndë ka ndodhur në fshatin Broshkë.
Burime nga spitali pohojnë se 30-vjeçari ka marrë tre plumba në pjesën e shpatullës, por fatmirësisht ndodhet jashtë rrezikut për jetën dhe po mbahet në kujdes intensiv nga mjekët, ndërkohë policia ka ngritur postblloqe në disa rrugë me qëllim identifikimin dhe më pas kapjen e atentatorëve.
