TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vijon protesta e paralajmëruar e Diasporës, ndonëse Policia e Shteti nuk u dha atyre leje.
Në hapje të protestës, organizatori Genc Sejko, i njohur ndryshe si “Njeriu Meme”, u shpreh se pushteti u mundua të frikësojë qytetarët, por nuk ia doli, pasi qytetarët i ka poshtë zyrës së tij.
Ndër personat që mori fjalën, ishte një sportiste shqiptare, që e quajti veten kolege me Ramën, dhe tha se kur erdhi në pushtet mendonte se do të ndryshonte diçka, por gjithçka rezultoi ndryshe.
Ajo kërkoi që të mos punësohen militantët e tyre, por njerëzit e aftë, pasi sipas saj militantizmi dhe arroganca po e dëmtojnë Shqipërinë, ndërsa shtoi: “Je shqiptar në radhë të parë, pse kaq të babëzitur ore”.
Ajo u ndal tek emërimi i Erjon Braçes së zv.Kryeministër, ndërsa tha: “Braçe dizinformonte për armët kimike, por sot bëhet zv.Kryeministër. Turp!”
Kujtojmë se në fjalën hapëse, organizatori Sejko tha se Kryeministri u garantoi protestë ekstremistëve grekë, por ua mohon patriotëve shqiptarë.
“Ka qenë gjithmonë besimi im, se nëse ke një pështje të drejtë, mund të qëndrosh edhe vetëm, pak rëndësi ka sesa veta janë. Dje ata i dhanë një sinjal qytetarëve, se Diaspora nuk do të protestojë para Kryeministrisë, sepse nuk iu dha leje. Z.Kryeministër, nuk kërkuam leje. Ju garantuat protestën e ekstremistëve grekë dhe kërkuat të ndalonit protestën e patriotëve shqiptarë. Ju thatë se nuk do të ketë protestë, por ne jemi këtu.
Me bashkëatdhetar nga e gjithë diaspora diskutauam të vinim këtë, kundër kësaj arrogance përballë popullit të vet. Jemi këtë për të gjitha kauzat, nga Tetari Kombëtar, banorët e Astirit, minatorët, ish-të përndjekurit e deri tek studentët”, tha Sejko, ndërsa i falënderoi të gjithë për pjesëmarrje dhe paralajmëroi se protesta do të vazhdojë.
