TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Anëtari i Kryesisë së PD, Eno Bozdo i është përgjigjur Edi Ramës për rafinerinë dhe grevën e naftëtarëve në Ballsh.
Bozdo e akuzon Ramës se fitoi bashkë me ministrat e tij nga investitori serioz që erdhi, pa dhe iku me miliona euro pa paguar pagat e naftëtarëve dhe detyrimet ndaj qeverisë.
Ai shton se zgjidhja për situatën e rënduar është ajo që ka ofruar lideri demokrat, Lulzim Basha, 8 milion euro për pagat e padhëna dhe ndjekje penale investitorit të Ramës.
STATUSI NGA ENNO BOZDO
Meqënëse Edi Rama më përmendi sot emrin:
Punëtorët e Rafinerisë janë në grevë sepse investitori serioz i Edi Ramës ia mbathi me dhjetëra milionë euro fitim, pa paguar punëtorët dhe as detyrimet ndaj qeverisë së Edi Ramës. Ia mbathi në mes të ditës, pa i hyrë gjëmb në këmbë. Këtë skemë e bëri jo vetëm një herë, por 3 herë. Fitoi qindra milionë euro, pa dhënë rroga dhe detyrime.
Investitori serioz i Edi Ramës, regjistroi 3 herë kompani offshore, sigurisht “pa dijeninë” e Edi Ramës. Dhe po tre herë përsëriti të njëjtën skemë: erdhi, pa dhe fitoi.
Bashkë me të fitoi Edi Rama dhe ministrat e tij. Humbën ata që nën këtë qeveri, humbin gjithmonë: njerëzit e varfër dhe punëtorët e pamundur.
Punëtorët aty duan zgjidhje. Duan paratë që u takojnë për punën e tyre të ndershme.
Nuk kanë nevojë për batuta, po për bukë për familjet e tyre.
Zgjidhja është ajo që Lulzim Basha ka ofruar: 8 milionë euro paga të padhëna dhe ndjekje penale për investitorin serioz të Edi Ramës!
https://www.facebook.com/eno.bozdo/posts/10223374251080634
