TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Numri i viktimave nga tërmetet në Turqi dhe Siri ka arritur mbrëmjen e sotme në të paktën 12.049 persona.
Lajmin e bënë të ditur mediat e huaja, sipas të cilave Helmetat e Bardha njoftuan se të paktën 1730 njerëz janë vrarë vetëm në zonën e kontrolluar nga opozita në veriperëndim të Sirisë.
Ministri i shëndetësisë i Sirisë i tha agjencisë shtetërore të lajmeve Sana se 1,262 njerëz kanë vdekur në zonat e kontrolluara nga qeveria të vendit.
Presidenti turk Rexhep Tajip Erdogan, më herët tha se numri i viktimave në vendin e tij është rritur në 9,057 në momentet e fundit.
Kujtojmë se mijëra persona të tjerë ndodhen nën rrënojat e tërmetit dhe sipas paralajmërimit të OBSH-së numri i viktimave mund të shkojë në mbi 20 mijë.
Gjithashtu mijëra ndërtesa në të dy vendet janë shembur plotësisht, duke krijuar një krizë humanitare për mijëra persona të tjerë që i mbijetuan goditjeve të tërmeteve.
