TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shefja e Komisionit Evropian Ursula von der Leyen në një fjalim në Parlamentin Evropian në Strasburg, theksoi nevojën urgjente për të rivendosur portet e Detit të Zi të Ukrainës, si një zgjidhje për krizën e afërt globale të ushqimit.
“Ky është një rrethim i ftohtë, i pashpirt dhe i llogaritur nga Putini ndaj disa prej vendeve dhe njerëzve më të cenueshëm në botë. Dhe prandaj tani, të nderuar deputetë, ushqimi është bërë tashmë pjesë e arsenalit të terrorit të Kremlinit dhe ne nuk mund ta tolerojmë atë”, u tha von der Leyen ligjvënësve të BE-së. Sanksionet e BE-së kundër Rusisë “nuk prekin mallrat bazë ushqimore”, theksoi shefi i Komisionit të BE-së. Ato nuk ndikojnë në tregtinë e drithërave apo ushqimeve të tjera ndërmjet Rusisë dhe vendeve të treta. Dhe embargoja e portit ka në mënyrë specifike përjashtimin e plotë të mallrave bujqësore”, shtoi ajo, duke theksuar nevojën për të kundërshtuar “dezinformimin” rus për krizën ushqimore.
Vërejtjet e saj vijnë ndërsa ministrat e jashtëm rus dhe turq mbajtën takime në Ankara të mërkurën për të diskutuar çështjet lidhur me eksportet e drithit nga Ukraina.
