TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i SHBA-së, Donald Trump është nisur drejt një vizite në Malajzi, ndalesa e tij e parë në një turne diplomatik në Azi, që do ta çojë atë gjithashtu në Japoni dhe së fundmi në Korenë e Jugut, sipas “KBS World Radio News”.
Ndërsa ndodhej në bordin e avionit presidencial “Air Force One”, Trump u tha gazetarëve se ishte i hapur për t’u takuar me udhëheqësin e Koresë së Veriut, Kim Jong-un.
Presidenti i SHBA-së, Donald Trump tha se ishte i gatshëm të takohej me udhëheqësin e Koresë së Veriut, Kim Jong-un, gjatë vizitës së tij në Korenë e Jugut, javën e ardhshme.
Duke folur me gazetarët, Trump tha se ishte “100 përqind i hapur” për një takim me Kim.
“Nëse ai do të kontaktonte, dua të them, herën e fundit që u takova, e bëra publike në internet se do të vij në Korenë e Jugut, nëse ai do të donte të takohej, jam i hapur”, tha Trump.
Presidenti i SHBA-së ka planifikuar të mbërrijë në Korenë e Jugut të mërkurën e javës së ardhshme – përpara samitit të APEC-ut të këtij viti, që do të zhvillohet në qytetin juglindor, Gyeongju.
Bisedimet e samitit me presidentin kinez Xi Jinping janë planifikuar të enjten në mëngjes, por planet e Trump pasdite para se të niset për në Uashington nuk dihen ende.
“Nuk ka shumë mënyra të tjera përveç internetit. Ata kanë shumë pak shërbim telefonik, por ai e di që unë do të vij, dhe jam i hapur për të 100 përqind. Unë kalova shumë mirë me Kim Jong Un”, theksoi ai.
Gjatë mandatit të tij të parë në detyrë, presidenti i SHBA-së zhvilloi tre bisedime ballë për ballë me Kim, përfshirë një takim të papritur në zonën e armëpushimit ndërkorean të Panmunjeom në qershor 2019.
