TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Forcat ukrainase pretendojnë se kanë qëlluar për vdekje zëvendëskomandantin e flotës ruse në Detin e Zi, Andrey Paliy.
Vrasja e 51-vjeçarit konsiderohet si një tjetër goditje ndaj Vladimir Putinit, pasi raportohet se ai është zyrtari i parë i lartë i marinës ruse që është vrarë në luftë me Ukrainën, raporton The Sun.
Ai thuhet se ishte i përfshirë në sulmet detare ruse pranë qytetit port të Mariupolit kur vdiq, megjithëse nuk dihen rrethanat e sakta të vdekjes së tij.
Moska ende nuk e ka pranuar zyrtarisht vrasjen, por duket se është konfirmuar nga kolegu rus Konstantin Tsarenko, sekretar i këshillit publik në Shkollën Detare të Sevastopol Nakhimov.
Zyrtari ukrainas Anton Gerashchenko gjithashtu pretendoi se Paliy ishte vrarë më herët të dielën pa dhënë detaje të mëtejshme.
Paliy ka lindur në kryeqytetin ukrainas Kiev, por refuzoi të bënte një betim ushtarak ukrainas në 1993, në vend të kësaj vendosi të shërbente në Flotën Veriore Ruse.
