TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ushtria izraelite ka pranuar se një nga tanket e saj ka qëlluar aksidentalisht duke goditur një postë egjiptiane pranë kufirit me Gazën, në Kerem Shalom.
Kerem Shalom është një kryqëzim mallrash në Gazën jugore që aktualisht është i mbyllur. Ndodhet pranë kryqëzimit të Egjiptit, Gazës dhe Izraelit, shkruan CNN.
Pas këtij sulmi, Forcat e Mbrojtjes të Izraelit shprehën “keqardhjen” dhe thanë se detajet po hetohen.
Ndërkohë, të lënduar lehtë prej këtij sulmi jo të qëllimshëm, siç deklarohet, kanë mbetur rojet kufitare egjiptiane.
“Gjatë përleshjeve të vazhdueshme në Rripin e Gazës të dielën, një nga kullat e vrojtimit kufitar egjiptian u godit aksidentalisht nga fragmente të një predhe nga një tank izraelit, duke rezultuar në lëndime të lehta për disa roje kufitare,” tha një zëdhënës ushtarak egjiptian në Facebook.
Egjipti tha gjithashtu se pala izraelite shprehu “menjëherë” keqardhjen e saj për incidentin jo të qëllimshëm dhe se rrethanat rreth bombardimeve janë duke u hetuar.
