TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në Mbretërinë e Bashkuar janë mbajtur zgjedhje të pjesshme në dy zona elektorale, të cilat konservatorët e Boris Johnson i kanë humbur.
Bëhet fjalë për Wakefield, që u fitua nga laburistët, ndërsa Tiverton dhe Honiton u fitua nga kandidati i liberal demokratëve, Richard Foord. Ky i fundit arriti të përmbysë konservatorët, që tradicionalisht kanë arritur ta mbajnë këtë zonë.
Pakënaqësia në rritje për shkak të skandalit të festave gjatë pandemisë dhe rritja e çmimeve dhe kostos së jetesës, duket se kanë qenë faktorët që kanë prodhuar këtë rezultat.
Më herët, Johnson i mbijetoi një mocioni mosbesimi nga konservatorët, duke arritur të sigurojë shumicën e mbështetjes nga rradhët e partisë së vetë, por pozitat e tij duken të lëkundura.
Për momentin kryeministri ndodhet në Ruanda. Ai ka deklaruar se zgjedhjet ishin një rezultat i "shumë gjërave".
Mbretëria e Bashkuar po përballet me inflacionin më të lartë në dekada, që arriti kulmin në 9.1%, duke rrezikuar futjen e ekonomisë në recesion.
