TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Tetë persona janë vrarë dhe dy janë plagosur nga bombardimet ruse në rajonin lindor të Ukrainës Luhansk, i cili është një nga objektivat e rusëve.
Bilancin e ka bërë kreu i këtij rajoni Serhiy Haidai. Në një postim në Telegram, ai shkruan se gjashtë persona vdiqën kur u bombarduan qytetet Hirske dhe Zolote.
Dy gra u gjetën të vdekura nën rrënojat e një shtëpie të shkatërruar në qytetin Popasna, që u sulmua disa ditë më parë.
Haidai deklaron se edhe një stacion policie në qytetin e Severodonetsk u shkatërrua.
Në fillim të kësaj jave, Rusia tha se ishte duke e përqendruar operacionin ushtarak në Luhansk dhe rajonet fqinje të Donetskut, pasi dështoi të pushtonte Ukrainën veriore, përfshirë edhe kryeqytetin Kiev.
