TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qeveria polake mësohet se po planifikon vendosjen e një trajnimi të detyrueshëm ushtarak për të gjithë burrat e rritur.
Kryeministri Donald Tusk e dha lajmin në parlamentit polak, ku tha se qeveria synon të ketë gati një model për rekrutimin dhe planet e stërvitjes së tyre, deri në fund të vitit.
“Ne do të përpiqemi të krijojmë një kornizë në mënyrë që çdo burrë i rritur në Poloni të ketë stërvitje ushtarake në rast lufte, në mënyrë që rezerva të jetë e krahasueshme dhe e mjaftueshme në lidhje me kërcënimet e mundshme”, theksoi ai sipas BBC.
Tusk nuk përjashtoi as mundësinë që gratë t’i nënshtrohen trajnimit të detyrueshëm ushtarak, por thotë se “lufta është ende në një masë më të madhe domeni i burrave”.
Në të njëjtën kohë, kryeministri polak shprehu mbështetjen e tij për tërheqjen e vendit nga Konventa e Otavës, e cila ndalon përdorimin e minave kundër personit, si dhe ndoshta nga Konventa e Dublinit, e cila ndalon përdorimin e municioneve thërrmuese. Siç tha ai, për këto çështje konkrete do të kërkojë mendimin e ministrit të Mbrojtjes.
