BOTA, 30 Shtator 2022, 15:07

Putini shpalli zyrtarisht aneksimin e katër rajoneve të pavarura ukrainase, reagon ashpër Zelensky

Putini shpalli zyrtarisht aneksimin e katër rajoneve të pavarura

“Gjithçka do të jetë Ukrainë”. Presidenti i Ukrainës Volodomyr Zelensky ka bërë reagimin e parë, pasi Vladimir Putin shpalli nga Kremlini zyrtarisht aneksimin e katër rajoneve të pavarura ukrainasë, pas referendumeve të rreme të mbajtura ditë më parë.

Zelensky thotë se vendi i tij nuk do të heqë dorë nga rimarrja e të gjitha rajoneve që janë të pushtuara dhe që do të aneksohen nga Moska.

Volodymyr Zelenskyy postoi në kanalin e tij Telegram të premten se Ukraina është në kontroll të situatës dhe se “Gjithçka do të jetë Ukrainë”.

Zelenskyy tha se ai diskutoi planet për çlirimin e territoreve të pushtuara nga Rusia me komandantin suprem ushtarak të Ukrainës.

Ai tha se Ukraina po vazhdon të furnizojë trupat e saj me armë dhe municione të tjera, raporton Euronews.