TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas arrestimit të Ekrem Imamoglu, kryetarit të bashkisë së Stambollit, një turmë e madhe qytetarësh u mblodh para ndërtesës së Bashkisë Metropolitane të Stambollit për të kundërshtuar prangosjen e tij.
Tubimi u bë si rezultat i thirrjes së bërë nga Ozgur Ozel, kreu i Partisë Popullore Republikane (CHP), shkruajnë mediat turke.
Dilek Imamoglu, gruaja e Ekrem Imamoglu, ishte e para që iu drejtua turmës që ishte mbledhur para bashkisë.
Ajo filloi duke falenderuar të gjithë ata që kishin ardhur pavarësisht motit, duke thënë: “Jam mirënjohëse për të gjithë ju që kapërceni pengesat për të qenë këtu sot”.
Ajo theksoi se ndalimi i të bashkëshortit të saj nuk ishte vetëm për të, “por për vullnetin e 16 milionë banorëve të Stambollit, për pensionistët që përfitojnë nga programet sociale, për të rinjtë dhe për të varfrit që janë të shtypur nga qeveria aktuale”.
Dilek vazhdoi: “Sot, ne jemi të gjithë nën paraburgim. Sot, ajo që është nën paraburgim është sundimi i ligjit, drejtësia dhe demokracia. Sot është shpresa për një Turqi paqësore, të lumtur, të drejtë dhe demokratike për 86 milionë qytetarë”.
