TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ekonomisë së Rusisë mund t’i duhet një dekadë për t’u rikthyer në nivelet para sanksioneve të vitit 2021, tha të premten shefi ekzekutiv i bankës më të lartë të vendit Sberbank.
German Gref, banka e të cilit shihet si një përfaqësuese e ekonomisë ruse duke mbajtur shumicën e depozitave të familjeve dhe kredive të korporatave, vlerësoi të premten se vendet që goditën Rusinë me sanksione përbënin 56% të eksporteve të saj dhe 51% të importeve.
“Ky është një kërcënim për 15% të prodhimit të brendshëm bruto të vendit,” tha Gref, një ish-ministër i ekonomisë, në forumin vjetor ekonomik ndërkombëtar të Rusisë në Shën Petersburg.
“Si rezultat – dhe nëse nuk bëjmë asgjë – mund të na duhet rreth një dekadë për ta kthyer ekonominë në nivelet e 2021-shit”, tha Gref, duke bërë thirrje për reforma strukturore të ekonomisë ruse, raporton Reuters.
Vendet perëndimore vendosën sanksione ekonomike ndaj Rusisë, më të rëndat me të cilat është përballur një komb në një histori moderne, pasi Moska dërgoi trupa në Ukrainë më 24 shkurt duke e quajtur atë “operacion special ushtarak”.
Asetet ruse u goditën menjëherë dhe çmimet e konsumit janë rritur, duke bërë që autoritetet të vendosin kontrolle të kapitalit, të rrisin normën bazë dhe të frenojnë aftësinë e investitorëve të huaj për të shitur asetet e tyre në Rusi.
