TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kriza humanitare në Rripin e Gazës ka arritur përmasa dramatike, me pothuajse një të tretën e popullsisë që nuk konsumon ushqim për ditë të tëra, paralajmëroi sot Programi Botëror për Ushqim (WFP) i Kombeve të Bashkuara.
Sipas WFP, situata është përkeqësuar ndjeshëm gjatë muajve të fundit dhe tani rreth 470.000 persona rrezikojnë të përballen me “uri katastrofike”, nivelin më ekstrem të krizës ushqimore sipas Klasifikimit të Fazës së Integruar të Sigurisë Ushqimore (IPC) të OKB-së, për periudhën maj–shtator 2025.
90.000 gra dhe fëmijë në rrezik të menjëhershëm
“Kequshqyerja është në rritje. Rreth 90.000 gra dhe fëmijë kanë nevojë urgjente për trajtim mjekësor dhe ushqimor,” tha WFP në deklaratën e saj. “Njerëzit po vdesin për shkak të mungesës së ndihmës humanitare.”
Ushqimi i paarritshëm – vetëm ndihma e huaj mban gjallë Gazën
Agjencia thekson se ndihma humanitare është burimi i vetëm i aksesit në ushqim për shumicën e popullsisë, pasi çmimet e ushqimeve janë rritur ndjeshëm dhe furnizimet janë tejet të kufizuara.
Izraeli nën kritika ndërkombëtare për kufizimet e ndihmës
Aktualisht, Izraeli kontrollon të gjitha pikat e hyrjes në Rripin e Gazës, si dhe rrugët e shpërndarjes së ndihmës humanitare, duke imponuar kufizime të ashpra në hyrjen e ushqimeve dhe furnizimeve jetike.
Autoritetet izraelite pretendojnë se kufizimet janë të nevojshme për të parandaluar keqpërdorimin e ndihmave nga Hamasi, grup i shpallur organizatë terroriste nga Shtetet e Bashkuara, Bashkimi Evropian dhe vende të tjera perëndimore.
Megjithatë, grupet humanitare dhe OKB kanë denoncuar bllokadën si një faktor kryesor në përshkallëzimin e krizës humanitare, duke paralajmëruar se situata në Gaza është pranë një kolapsi të plotë humanitar.
