TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Franca është e vendosur të njohë një shtet të Palestinës, por nuk do ta bëjë këtë e vetme, sugjeroi ministri i Jashtëm francez, Jean-Noël Barrot, vetëm disa ditë para një konference të OKB-së mbi këtë çështje.
I pyetur nga RTL nëse Franca, e cila do të bashkëkryesojë këtë konferencë me Arabinë Saudite në Nju Jork, do ta njihte një shtet të Palestinës, Barrot përsëriti se “ne jemi të vendosur ta bëjmë këtë”.
”Qëllimi është të përfshijmë një numër vendesh me ne dhe gjithashtu të sjellim të gjithë palët e interesuara, veçanërisht Autoritetin Palestinez dhe vendet arabe, në bord”, theksoi ai.
”Franca nuk do ta formalizonte një njohje të tillë e vetme”, sqaroi ai.
“Franca mund të kishte marrë një vendim simbolik. Kjo nuk është zgjedhja që bëmë sepse kemi një përgjegjësi të veçantë, pasi kemi të bëjmë me Francën, anëtare e përhershme e Këshillit të Sigurimit”, pohoi ministri.
“Nëse e bëjmë këtë, është për të ndryshuar gjërat dhe për të siguruar që ekzistenca e këtij shteti të Palestinës të bëhet më e besueshme dhe më e mundur”, shtoi ai.
Ai gjithashtu përsëriti “domosdoshmërinë absolute”, sipas Parisit, “për të adresuar çështjen e çarmatosjes së Hamasit” për të ardhmen e Gazës.
Konferenca ndërkombëtare e bashkëkryesuar nga Franca dhe Arabia Saudite, e cila synon të rifillojë një zgjidhje paqësore për konfliktin izraelito-palestinez, i njohur si një zgjidhje “me dy shtete”, do të mbahet nga 17 deri më 20 qershor.
