TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Persona të armatosur kanë sulmuar një spital në veri të Sirisë, ku një vajzë po kujdeset pasi lindi nën rrënojat e shtëpisë së saj të shembur, tha një zyrtar.
Sipas Sky, duke folur në kushte anonimiteti, zyrtari tha se sulmuesit ndoqën drejtorin e klinikës dhe e rrahën atë.
Sipas burimeve bëhet me dije se personat e armatosur nisën sulmin në një përpjekje për të rrëmbyer foshnjën, por zyrtari mohoi se ndodhi për diçka të tillë.
Vajza, e cila është quajtur Aya, fjala arabe që do të thotë “një shenjë nga Zoti”, ka qenë në spital që nga tërmeti që goditi Turqinë dhe Sirinë javën e kaluar.
Zyrtari tha se drejtori i spitalit kishte dyshuar se një infermiere që po fotografonte Aya-n po planifikonte ta rrëmbente atë dhe e kishte dëbuar atë nga spitali.
Infermierja u kthye disa orë më vonë, e shoqëruar nga personat e armatosur që nisën sulmin.
Nëna, babai dhe katër vëllezërit e motrat e Aya-s vdiqën në katastrofë dhe ajo është monitoruar nga afër që nga lindja e saj, me njerëz nga e gjithë bota që i ofrohen për ta ndihmuar.
Megjithatë, disa persona janë shfaqur duke pretenduar në mënyrë të rreme se janë të afërm të saj, duke bërë që policët lokalë ta ruanin atë.
Punonjësit e shpëtimit civil në qytetin verior të Sirisë, Jinderis, zbuluan Aya-n më shumë se 10 orë pas goditjes së tërmetit, të mbetur nën rrënoja dhe ende të lidhur me kordonin e kërthizës me nënën e saj.
